يا اللي مولوع بالمحبة والغرام
ما لك سهران على النجوم وحداني؟
يا من درى، شي سباب ضرك الخصام؟
وإلا حب في قلبك دخلاني؟
يا مجرب العشرة والفراق
2 بالله عليك عيدلي يا إنساني
علاش العهد ما بين العشاق يفدي من خانوا عيناني؟
سبحان الله رأت عيني زوج حمامات في قصر
مقابلين السما والبحر
وحدة مزينة بالحناني,
الاخرى ماهي محنية
الاولى قالت بركاني أنا نمشي للسفر
نعاشر بلاد الحجر
ونشوف وش كان في مقامي بالك ندير مالية
قسطويا جاز خبرني قالي بركاك من الصبر
! متى تزهي في الصغر؟
وتشوفي شوفات المعاني كيسان ظراف ماحية
الاخرى قالت يا اخواني آه يا لطيف! منكر ما ندخلشي ف القبر
راني قاعدة في جناني ما نروح, راني مهنية
ما نخليش اوطاني مربّية فيه من الصغر وسماه ضاوي بالقمر
ولا فهمتي كلامي روحي اراكي مخطية
سبحان الله رأت عيني زوج حمامات في قصر
مقابلين السما والبحر
وحدة مزينة بالحناني,
الاخرى ماهي محنية
قالت مولاة الحناني ما تكتريشي ف الخبر
دموعك سايلة م الوقار
ما نطولشي في لساني, حسبتي روحك قارية؟
فرحت وتهنى محاني زاهية ع الرباب والوتر
ولو ساعة في شهر
وانتي كيفاش يا عواني بقيتي حزنة خاوية
الاخرى قالت خبر جاني هداك لما ينذكر رميتي روحك ف الجمر
أنا اللي منزلي عالي بنت الأصل صافية
ولاد الملوك خطبوني, عرسي مزوّق بالخضر بورد وياسمين وزهر
والداي زادو حبوني, ف الحلال راني ماشية
سبحان الله رأت عيني زوج حمامات في قصر
مقابلين السما والبحر
وحدة مزينة بالحناني,
الاخرى ماهي محنية
قالت مولاة الحناني شفت ف الدنيا ما اكثر. حوست بلدان ودشر.
البست لبسات على الواني واتحفت شعري بحاشية. انتي صغرك اللي بكاني دفنتي روحك في القبر
وقلبك داخل ينعصر
ما شفتي ويدان بالدوالي. بقيتك بالعافية
المزوجة قالت يا اخواني الله يغطينا بالستر وشوفي النبي ما هدر
ربي بين لي في منامي جنة من كل فاكهة
طايعة الإله ونصلي صايمة بالحمد والشكر ما ندير في فمي خمر
نقدر في داري نغنّي هذي دنيا فانية
سبحان الله رأت عيني زوج حمامات في قصر
مقابلين السما والبحر
وحدة مزينة بالحناني,
الاخرى ماهي محنية
جرعتي المرار بالحفاني وصب عليكي المطر
دقتيه ورجعلك مر
وادي مخلوض ما داني أفرغ وارجع ساقية
خذي قوالي الاخراني ارجعي لطريق الطهر
وبركاك من هاد الفقر
ودنوبك زاد عياني. ارجعي لأصلك راضية
قالت مولاة الحناني ما حب خاطري بالجهر ما قبل خاطري بالعمر
ما جبت خبر كيف صرلي بقيت ف الغربة ساهية
نطلب الله يعاوني انبان كي الهلال م ضهر وضري يبرى من الصبر
إبليس بفعاله عداني, ما نزيد اراني شافية
سبحان الله رأت عيني زوج حمامات في قصر
مقابلين السما والبحر
وحدة مزينة بالحناني,
الاخرى ماهي محنية
نطلب الله يعاوني انبان كي الهلال م ضهر وضري يبرى من الصبر
إبليس بفعاله عداني, ما نزيد اراني شافية
نطلب السماح يا عوالي, ما ناخد غير طير حر مرفه ولا ف الفقر
وتكون ذرية حلالي. رحمة الله باهي
سبحان الله رأت عيني زوج حمامات في قصر
مقابلين السما والبحر
وحدة مزينة بالحناني,
الاخرى ماهي محنية
إرسال تعليق