قصيدة أمير الغيوان
الشيخ محمد غانم
•
أمير الغيوان جار عني حڤدان بالرمى و الفرسان
صاڤلي بعلامو في كل يوم ينشي لي حرب جديد
حالف بيمان ما لقاوه شجعان في حروب الميدان
لو دعى لحياتو للطام يا ويحو وين إيزيد
قاهر خصمان عنترة و الغضبان والشجيع النعمان
بعد قيس أو فاضل بن ذياب بو غانم كان شديد
عشاق زمان جوْزوها في شان بالزهوْ والسلوان
كيف جاز امثيلهُم في زمّانّا هارون الراشيد
حتى لوكان نلتقى بالإحسان و اللباس المزيان
الشريف هواوي ما بقى مثيلو في أوْطان أو بيد
أمير الغيوان جار عني حڤدان بالرمى و الفرسان
صاڤلي بعلامو في كل يوم ينشي لي حرب جديد
•
كان مشيتي فيدني بلجواب
من عند ذوك لحباب
من جيهة الرطوبة و ليانة
لا تبطى فالحين كون مصواب
حسن اللغى أو لاداب
يعطيك شي حلاوة مزيانة
قول ليهم يا سابغين لهداب
علاش هاذ لعذاب
بيني أو بينكم واش درت أنا
باقي للأن كان راجي لحسان والجفى منكُم بان
يا ألّي شحيتم بالوصال ما بيكم غير الكيد
طبع النسوان لا عقل لا ديوان كل شي بالختلان
و الطمع يغويكم أو فالرجال تصطادو عند القديد
أنا لو كان كنت ماهر فطّان ما نخالط بُهتان
كية ألي يامن فالبنات يبقى مهجور فريد
أمير الغيوا جار عني حڤدان بالرمى و الفرسان
صاڤلي بعلامو في كل يوم ينشي لي حرب جديد
•
حرمتكم يا سابغات لنجال
ديرو معاي لفضال
وادعو خلاض من قولة قالو
واك الرغب فالسلام مازال قالو بنات لفضال
الفم و الشوارب ما زالو
قامت أم الولعات بالحال
اتركو ذ المقال
خليوْ كل حال على حالو
أنتُم خشان طبعكم ما يليان يا أمة التيجان
ناركم في حشايا ما طفا تراه الله شهيد
ألعنو الشيطان قصرو من لغنان أو لا تزيدو تيهان
يا الي خطيتو معاكم فالصواب قولولي أش إيفيد
علاش يا لخوان ما قريتو أمان أو لا كتبتُم عنوان
لا رسول إيجي من عندكم لا إيمارة لا تفيّيد
أمير الغيوان جار عني حڤدان بالرمى و الفرسان
صاڤلي بعلامو في كل يوم ينشي لي حرب جديد
•
أي و الله كانو بنات لغرام
الهايجات لكرام
زينات الفرجة و الهمة
كانو يا حسرة فساير العام
علّوهو أو لغرام
يتوادو كيوس المُدامة
عربيات امشمرات لكمام
حازو لبهى أو لوْشام
حسن البياض لزين كرامة
نعت الغزلان لابسات التيجان بالذهب والمرجان
كل يوم حناني ما خطاتهم في فرح أو لا عيد
ساريت أوطان حوزنا أو عربان عوْضهم ما كان
يا ترى في زماني نلقاهم نغنم كيف أنريد
من صاب مكان غير ضل البُستان الشمع و الكيسان
والبساط حمادي ولا رقيب لا غاشي كان ا لبيد
أمير الغيوان جار عني حڤدان بالرمى و الفرسان
صاڤلي بعلامو في كل يوم ينشي لي حرب جديد
•
خوذ يا راوي جبت ليك تمجاد
ونس بيه لجواد
تسطاب مايتي خرق العادة
صفي قلبك لا تكون محڤاد
و الغي قوم لفساد
إذا بغيت تدرك ليفادة
من لا طاع الشياخ مرماد
قال الذكي فلنشاد
محمد لمسلم لاهل الإرادة
قابض ميزان مايتي بقصدان و سرارب ويدان
قول للجاحد هكذا إيغني ويدير قصيد
صايغ للحان في رقايق لوزان تنتهى بالغفران
يا الي يتماطل للملاجة هذا سوق بعيد
بحر الطوفان ما يدخلو دهشان غير الرايس قرسان
بالغنايم و سرور أولاعتو في كل يوم غير إيزيد
أمير الغيوان جار عني حڤدان بالرمى و الفرسان
صاڤلي بعلامو في كل يوم ينشي لي حرب جديد
•
إرسال تعليق