حكم جزائرية قديمة

ناس بكري قالو:

آش جاب الصوف للحرير

وآش جاب الخيل للحمير

النسر كي يطير السردوك يغير

وربي خلق واحد يطير وواحد يسير

العودة عمرها ما تولد البعير

والذيب عمرو ما يوكل الشعير

والرّخيص عمرو ما يُثمر فيه الخير

ولو كان تفرشلو زربية حرير

قلة الحلفان باهية في الكلام والرجولية موش بالوشام

الفحل صايد النعام والجايح صايد الحمام

والرخيص حرام فيه حتّى السلام

كل شيء يفوت وكل طير عندو صوت

الصنارة هي إلّي تغدر الحوت والدنيا فانية أخرتها موت

إﻟّﻲ ﻋﻴﻨﻮ ﻓﻲ ﺍﻟﺤﻮﺕ ﻳﻄﻮّﻝ ﻓﻲ ﺍﻟﺼﻨّﺎﺭﺓ

ﻭﺇﻟّﻲ ﻋﻴﻨُﻮ ﻓﻲ ﺍﻟﻠّﺤﻢ ﻳﺼﻮﺣﺐ ﺍﻟﺠﺰّﺍﺭﺓ

ﻭﺍﻟﺮﺍﺟﻞ ﺭﺍﺟﻞ ﻟﻮ ﻛﺎﻥ ﻳﻠﺒﺴﻮﻩ ﺷﻜﺎﺭﺓ

ﻭالخرشي خرشي ﻟﻮ ﻛﺎﻥ ﻳﺮﻛﺒُﻮﻩ ﻃﻴّﺎﺭﺓ

إلّي ﻓﺎﺗﻚ ﺑﺎﻟﺰّﻳﻦ ﻓﻮﺗﻮ ﺑﺎﻟﻨﻈﺎﻓﺔ

ﻭﺇﻟﻲ ﻓﺎﺗﻚ ﺑﺎﻟﻔﻬﺎﻣﺔ ﻓﻮﺗﻮ ﺑﺎﻟﻈﺮﺍﻓﺔ

إلّي ﺣَﺒِﻚْ ﺣِﺒُﻮ ﻣﺎ ﺗﻔﺮطشِي ﻓﻴﻪ

ﻭﺇﻟﻲ ﺑَﺎﻋِﻚْ ﺑﻴﻌﻮ ﻭﻣﺎ ﺗﺴﺄلشي ﻋﻠﻴﻪ

يلزمك ﺗﻌﺮﻑ ﺇنّو ﺇلّي ﻣﺎ ﺗﻌﺮﻓﺶ ﺗﺸﻄﺢ ﺗﻘﻮﻝ الأﺭﺽ ﻋﻮﺟﻪ ﻭﺇﻟﻲ ﻣﺎ ﻳﺨﻠﻄﺶ للعنبة ﻳﻘﻮﻝ ﻗﺎﺭﺻﻪ

إلّي ﻳﻌﺸﻖ ﻳﻌﺸﻖ ﺍﻟﺴّﻤﺢ ﻭﺇلّي ﻳَﺰﺭﻉ ﻳﺰﺭﻉ ﺍﻟﻘﻤﺢ

ﺍﻟﻘﻤﺢ ﺃﺯﺭﻋﻮ ﻭﺍﻟﺮّﻳﺢ ﻳﺠﻴﺐ ﻏﺒﺎﺭُﻭ

وﺍﻟﻘﻠﺐ ﺇﺫﺍ كاﻥ ﻣﻬﻤﻮﻡ، ﺍﻟﻮﺟﻪ ﻳﻌﻄﻴﻚ ﺃﺧﺒﺎﺭﻭ

ﻻ ﺗﻠﺒﺲ ﺣﺎﺟﺔ ﻣﻮﺵ ﻗﺪﻙ، ﻭﻻ ﺣﺎﺟﺔ ﻓﺎﺭﻏﺔ ﺗﻨﺪﺏ ﺣﻈّﻚ

على ﺧﺎﻃﺮ ﻣﺎ ﻳﺤﻜّﻠﻚ كان ﻇﻔﺮﻙ ﻭﻣﺎ ﻳِﺒﻜﻴﻠﻚ غير ﺷﻔْﺮﻙ

وﻣﺎ توﻛﻠﻚ ﻛﺎﻥ أﺻﺒﺎﻋﻚ ﻭﻣﺎ ﻳﻄﻠﻌﻚ ﻣﻦ ﺍﻟﻀﻴﻢ ﻛﺎﻥ ﺫﺭﺍﻋﻚ

قالو يا بابا زعمة الوقت ينظفنا ؟

قالو يا وليدي العار أطول من الأعمار والنخّالة ما تولي دقيق والبصلة عمرها ما تولي تفاحة والخوّان عمرو ما يكون صديق

قليل الأصل ما تثمر فيه الملاحة

وبعض الناس ما تنفع فيهم كان القباحة

أمّا أعمل الخير وأنساه وإذا عملت الشرّ تفكرو ويا حافر حفرة السوء ما تحفر كان قياسك والزمان يدور يدور وما ترجع كان براسك.